Azərbaycanlılar daha bir şirkətə sahib oldu
27.06.2019
RBK xəbər verir ki, "Mosxoztorq” brendi altında fəaliyyət göstərən mağazalar şəbəkəsinin yeni şəriki Sofiyada qeydiyyata alınmış "Falkon Houm Distribyuşn” ASC olub.
İyunun 17-dən etibarən "MXT” MMC-nin səhmlərinin 50,5 faizi Bolqarıstan şirkətinə məxsusdur.
Bolqarıstanın şirkətlər reyestrinin məlumatına görə, "Falkon Houm Distribyuşn”ın sahibi Azərbaycan vətəndaşı Zaur Mişiyevdir.
Ötən il qeydiyyatdan keçmiş şirkət parça, mebel, ayaqqabı, aksesuar və digər məhsullların satışı ilə məşğuldur. Daha əvvəl "Mosxoztorq”un 50,5 faizi Veronika Kiryanovaya məxsus olub. İlya Polyaçkov və İlya Traber hələ də müvafiq olaraq şirkətdə 39,5 və 10 faizə sahibdir.
Hazırda şirkət Moskvada 36 mağazanı idarə edir.
