Generalı bakılı casusu ziyarət etdi
30.05.2019
Rusiya Müdafiə naziri Sergey Şoyqu məşhur sovet kəşfiyyatçısı, bakılı Rixard Zorgenin Yaponiyada yerləşən qəbrini ziyarət edib.
Bu məlumatı "RİA Novosti” agentliyi yayıb.
Qeyd edək ki, Şoyqu dünən Tokioya gedib. Səfərdə əsas məqsəd Yaponiya-Rusiya müdafiə və xarici işlər nazirlərinin görüşündə iştirak etməkdir.
Rixard Zorge 1895-ci ildə Bakıda anadan olub. O, 1933-1941-ci illərdə SSRİ-nin Yaponiyadakı casusu olub. "Ramzay” və "İnson” ləqəbləri ilə casusluq edən Zorge Moskvaya Almaniyanın SSRİ-yə hücum edəcəyi tarix barədə dəqiq məlumat verib. 1941-ci ildə yapon kəşfiyyatı tərəfindən həbs edilən Zorge 1944-cü il 7 noyabrda edam edilib.
SSRİ 1964-cü ilə qədər Zorgenin onun casusu olmasını inkar edib.
