ABŞ-dan GERİ ADDIM: YPG-yə dəstəyi DAYANDIRDI - VİDEO
31.03.2018
ABŞ prezidenti Donald Tramp Xarici İşlər Nazirliyinə YPG (PKK-nın Suriya qolu) terror təşkilatının nəzarət etdiyi ərazilərin yenidən qurulması üçün ayrılan 200 milyon dollarlıq yardımı dayandırıb.
"Dövran Media" xəbər verir ki, ABŞ rəsmiləri bununla Ağ evin ABŞ-ın Suriyadakı rolunu dəyərləndirdiyini iddia edir.
Məlumata görə, yardımın dayandırılması barədə qərar Trampın ABŞ ordusunun Suriyadan çəkiləcəyinə dair çıxışına paralel olaraq verilib. Bu qərarın son vaxtlar Suriyada vəziyyətin dəyişməsi ilə əlaqədar olduğu bildirilir.
Xatırladaq ki, ABŞ prezidenti ötən ilin noyabrında Suriyada İŞİD-lə mübarizə çərçivəsində dəstəklədikləri qruplara 500 milyon dollar yardım ayrılması barədə qərar qəbul etmişdi. Bunun 200 milyonunun isə YPG-yə (PKK terror təşkilatının Suriya qanadı olan PYD-nin silahlı gücü – red.) çatdırılması nəzərdə tutulurdu.
