Ölkəmizə buynuz qişa transplantantı gətirilib
20.05.2019
Növbəti dəfə 22 ədəd buynuz qişa transplantantı respublikaya gətirilib.
Səhiyyə Nazirliyinin mətbuat xidmətindən Trend-ə verilən məlumata görə, buynuz qişanın transplantantasiyası əməliyyatı akademik Z.Əliyeva adına Milli Oftalmologiya Mərkəzində (MOM) həyata keçirilib. MOM-un cərrahları Abdulaliyeva Fərəh, Həsənov Cəmil, Hüseynov Emil və Ağayeva Fidan tərəfindən 3 gün ərzində 22 uğurlu buynuz qışanın transplantasiyası əməliyyatı keçirilib.
Buynuz qişa ilk növbədə uzun illər korluğa məruz qalan imtiyazlı xəstələrə köçürülüb.
Azərbaycanın regionunda ilk dəfə olaraq, MOM-un Gəncə filialında buynuz qişanın transplantasiyası cərrahi əməliyyatı uğurla həyata keçirilib.
Bütün əməliyyatlar uğurla, fəsadsız başa çatdırılıb.
