Qaşıqçını bu vasitəsi ilə yaxalayıblar - Vatsap təhlükəsi
14.05.2019
İsrailin "NSO Group” firmasının ərsəyə gətirdiyi "Peqasus” adlı casus mobil tətbiq Vatsap proqramından istifadə edən bütün telefonlara "bulaşır”.
"Financial Times”ın yaydığı xəbərə görə, casus tətbiqi Vatsap platformasından istifadə edən bütün cihazlara hakerlər tərəfindən uzaqdan yerləşdirmək mümkündür.Vatsapın mətbuat katibi də bu tətbiqin zəng funksiyası vasitəsilə, sadəcə cavabsız zənglər yolu ilə telefonlara sıza bildiyini təsdiq edib.
Tətbiqin nə qədər insana göndərildiyi məlum deyil. Yalnız şirkət istifadəçilərin seçilərək hədəf alındığını açıqlayıb.
"NSO Group” isə məsələ ilə bağlı açıqlama verməyib.
İsrail şirkətinin ərsəyə gətirdiyi mobil tətbiqin adına İstanbulda qətlə yetirilən jurnalist Camal Qaşıqçı cinayətində də rast gəlinir.
Toronto Universitetinin "Citizen Lab” qurumu Səudiyyə Ərəbistanın "NSO Group”dan aldığı casus tətbiqi vasitəsilə Camal Qaşıqçını izlədiyini ortaya çıxarmışdı.
