"Barselona" - "Liverpul" matçının hakimi açıqlandı
30.04.2019
Çempionlar Liqasının yarımfinal mərhələsində keçiriləcək "Barselona" - "Liverpul" oyununun hakimləri müəyyənləşib.
UEFA "Nou Kamp"dakı görüşə Hollandiyadan olan briqadanı göndərib.
Mayın 1-də baş tutacaq qarşılaşmanı Byörn Kuypers idarə edəcək. Ona həmyerliləri Mario Diks və Ervin Zeinstra kömək edəcək. 4-cü hakim funksiyasını yunanıstanlı Anastasios Sidiropulos yerinə yetirəcək. VAR sisteminə isə Danni Makkelie nəzarət edəcək.
Qeyd edək ki, "Barselona" - "Liverpul" oyunu Bakı vaxtı ilə 23:00-da başlayacaq.
