"Real"ın onun üçün ödəyəcəyi MƏBLƏĞ
20.04.2019
"Real"ın "Çelsi"dən Eden Hazardın transferini açıqlamağa hazırlaşdığı barədə xəbər vermişdi. Bu barədə yayılan məlumatda bildirilirdi ki, artıq klublar və futbolçu arasında danışıqlar yekunlaşıb, "Kral Klubu" yaxın günlərdə keçidi elan edəcək.
Artıq "Marca" qəzeti "Real"ın Hazard üçün "Çelsi"yə ödəyəcəyi məbləği də açıqlayıb. Madrid klubuna yaxınlığı ilə tanınan qəzet iddia edir ki, London təmsilçisi bu satışdan 100 milyon avro qazanacaq.
Xəbərdə qeyd edilir ki, "Çelsi" ilə 1 illik müqaviləsi olan Hazard üçün "Real"dan gələn təklif 3 dəfə rədd edilib. Nəhayət ingilislər 4-cü cəhddə transferə razılıq verib. Bunda futbolçunun klub rəhbərliyinə təzyiqinin də rolu olub.
