Terror: Nazir müavini öldürüldü
23.03.2019
Somalidə Əmək və Sosial Məsələlər nazirinin müavini Sakar İbrahim Abdulla əş-Şəbab terror təşkilatının Əmək və Sosial Məsələlər Nazirliyinin binasına hücumu nəticəsində öldürülüb.
"Dövran Media" xəbər verir ki, terror təşkilatı Əmək və Sosial Məsələlər Nazirliyi ilə bərabər İctimai İşlər, Rekonstruksiya Nazirliyinə və Banadir regionunun polis mərkəzinə də hücum edib.
Ölənlərin dəqiq sayını müəyyənləşdirmək mümkün olmayıb.
Bu ərazilərdə döyüşlərin davam etdirildiyi bildirilib.
Qeyd edək ki, əş-Şabab Somalidəki ən böyük terror təşkilatıdır. Bu terror təşkilatı həmçinin əl-Qaidənin əsas qollarından biri sayılır.
