Zərifin istefa səbəbi açıqlandı
05.03.2019
İran Xarici İşlər Nazirliyinin nümayəndəsi Bəhram Qasimi nazir Məhəmməd Cavad Zərifin istefa səbəbini açıqlayıb.
"Dövran Media" Sputniknews-a istinadla xəbər verir ki, Bəhram Qasiminin dediyinə görə, xarici işlər nazirinin istefasına səbəb onun Bəşər Əsədin səfərindən xəbərinin olmaması idi.
ISNA xəbər agentliyi yazır ki, Suriya prezidenti Bəşər Əsədin fevral ayının 25-də İrana səfəri barədə Məhəmməd Cavad Zərifə məlumat verilməyib və görüş bitənə qədər də bu, belə davam edib.
"Zərifin istefasının başqa səbəbi yoxdur. Əsas səbəb ona bu səfər barədə məlumat verilməməsidir", - Bəhram Qasimi söyləyib.
Qeyd edək ki, İran prezidenti Həsən Ruhani Məhəmməd Cavad Zərifin istefasını qəbul etməyib.
