Bu məhsul çox XEYİRLİDİR
04.03.2019
"Dövran Media” xəbər verir ki, Taftsa Universitetinin (ABŞ) alimləri müəyyən ediblər ki, pomidorda olan karotenoidli likopin pigmenti qaraciyər piylənməsinin, xərçəng və iltihabı xəstəlıklərin inkişafını azaldır.
Bu barədə MedicalXpress-də məlumat verilib. Tədqiqat zamanı yeni doğulmuş siçanlara qaraciyərdə bədxassəli şişlərin formalaşmasına kömək edən kanserogen daxil edilmişdir. Üstəlik gəmiricilər yüksək yağlı yeməklərlə qidalandırılıblar. Bundan başqa heyvanların bir qrupuna isə əlavə pomidor tozu verilib. Müəyyən olub ki, likopen müxtəlif faydalı mikrofloranın sayını artırmaqla iltihabın əmələ gəlməsinə səbəb olan bəzi bakteriyaların qarşısını alır. Həmçinin, qeyri-sağlam pəhrizin səbəb olduğu qaraciyər piylənməsinin və xərçəng xəstəliyinin əmələ gəlmə riskini azaldır. Bundan başqa, alimlər pomidor tozunun likopenə nisbətən daha təsirli olduğunu da göstəriblər. Bu, dıgər faydalı birləşmələrlə yanaşı pomidorda olan E, C vitaminləri, folatlar, minerallar, fenolik birləşmələr və qida liflərinin mövcudluğu ilə izah olunur.
"DM"
