Pakistan hava məkanını BAĞLADI
27.02.2019
Pakistan hava məkanını kommersiya reysləri üçün qapadıb.
"Dövran Media" xəbər verir ki, bu məlumatı Pakistan Mülki Aviasiya İdarəsi öz Tvitter səhifəsində paylaşıb. Qərarın Hindistan ordusuna məxsus iki təyyarənin vurulmasından sonra qəbul edildiyi vurğulanıb.
Qeyd edək ki, bundan öncə Pakistan hava məkanını pozan iki Hindistan təyyarəsini məhv edib. Pakistan insident nəticəsində 1 hind pilotunun həbs edildiyini, digərlərinin isə axtarışının davam etdirildiyini bildirib.
Hindistan tərəfi də bir Pakistan qırıcısını vurduğunu açıqlayıb.
