Türkiyə ən böyük dəstəkçisini İTİRƏ BİLƏR
23.02.2019
Britaniyanın Türkiyənin Avropa Birliyinə üzvlük prosesinin ən böyük dəstəkçilərindən biridir.
"Dövran Media" xəbər verir ki, bunu "Sözcü” qəzetinə açıqlamasında Britaniyanın Türkiyədəki səfiri Dominik Çilkot deyib.
"Türkiyənin AB-yə üzvlüyünün strateji bir dövr olduğuna inanırıq. Bu, Avropa üçün də yaxşı bir şey olacaq. Eyni zamanda bunun Türkiyə baxımından da doğru olacağına inanırıq. Breksitdən sonra AB-dən kənarda qaldığımıza görə Britaniya olaraq Türkiyəyə dəstək verə bilməyəcəyik. Üzvlük prosesinin dayanması Türkiyə ilə AB arasında daha başqa problemlərin ortaya çıxmasına səbəb ola bilər. Biz Türkiyənin üzvlük prosesinin aktiv olmasını istəyirik, amma bu, bütün AB üzvləri tərəfindən dəstəklənmir. Breksitdən sonra Türkiyə bəlkə də AB daxilində ən güclü dəstəyini itirəcək”, – deyə o bildirib.
