Afrində öldürülən terrorçuların sayı 3300 oldu
11.03.2018
Bu günə Türkiyə ordusunun müxalif Azad Suriya Ordusu ilə birgə Suriyanın Afrin bölgəsində həyata keçirdiyi "Zeytun budağı" əməliyyatında 3300 terrorçu zərərsizləşdirilib.
"Dövran Media" Türkiyənin NTV telekanalına istinadən verdiyi məlumat verir ki, bunu bu gün Türkiyə prezidenti Rəcəb Tayyib Ərdoğan açıqlayıb.
Türkiyə prezidenti "Zeytun budağı" əməliyyatının uğurla davam etdiyini vurğulayıb.
Qeyd edək ki, bu il yanvarın 20-də Türkiyə ordusu müxalif Azad Suriya Ordusu ilə birgə Suriyanın Afrin bölgəsini PKK terror təşkilatının Suriya qolu PYD/YPG-dən təmizləmək üçün "Zeytun budağı" əməliyyatına başlayıb.
