Antalyada fırtına: 12 yaralı - FOTO
26.01.2019
Antalyada fırtına külək hava limanında qəzaya səbəb olub.
"Dövran Media" xəbər verir ki, 133 kilometr/saat gücündə olan fırtına iki avtobus, bir mini avtobus və iki nərdivanı devirib, bir təyyarə və bir polis vertolyotunun pərvanəsi zədələnib. İnsident nəticəsində ümumiklikdə 12 nəfər yaralanıb.
Antalya rəsmiləri güclü fırtına ilə əlaqədar məlumat yayıblar. Belə ki, vətəndaşlara məcburiyyət yaranmayacağı təqdirdə evdən çölə çıxmamaq tövsiyə edilib.
Fırtına ilə əlaqədar şəhərin bir sıra yerlərində ağaclar devrilib. Üstəlik, bəzi yerlərdə elektrik kəsintisi yaşanıb.
