Çində bir ağac üstündə iki panda arasında düşən dava sosial şəbəkələrdə böyük marağa səbəb olub.
"Dövran Media" xəbər verir ki, kadrlarda ətrafda başqa ağacların olmasına rəğmən, onların məhz həmin bir ağac uğrunda mübarizə apardığını görmək olur.
Əvvəl pandalar itələşərək, bir-birini ağacın gövdəsindən uzaqlaşdırmağa çalışır. Pandalardan biri ağaca dırmanan kimi ikincisi onu ayağından dişləməyə başlayır. Təslim olmaq istəməyən panda rəqibini pəncəsindən və qulaqlarından dişləyərək aşağı itələyir.
"İki Kunq-Fu pandanın şirin döyüşü”, - deyə sosial şəbəkə istifadəçiləri videoçarxı şərh edib.
