Sanksiyalar İranda avtomobil istehsalını çökdürdü
01.01.2019
ABŞ-ın sanksiyaları İranda avtomobil istehsalının 72 faiz azalmasına səbəb olub.
Axar.az xəbər verir ki, bu barədə İranın Sənaye, Mədən və Ticarət Nazirliyi məlumat yayıb. Qurum 2017-ci ilin dekabr ayında ölkədəki avtomobil istehsalının 136 min 828 olduğu halda, 2018-ci ilin eyni dövründə 38 min 275-ə endiyini elan edib.
Avtomobil sektorundakı bu geriləmə ən çox avtobus istehsalında özünü göstərib. Belə ki, əgər 2017-ci ilin dekabrında 136 avtobus istehsal edilmişdisə, 2018-ci ilin eyni ayında bu rəqəm 12-yə enib.
Hazırda İranda avtomobil sektorunda 700 mindən çox insanın çalışdığı bildirilir.
