Mübariz İbrahimovla bağlı maraqlı təşəbbüs - FOTO
25.12.2018
Bakıxanov qəsəbəsində yerləşən "Akkord” şirkətinə məxsus "Uğur 2” kompleksinin sakinləri binaların giriş hissələrinə Milli Qəhrəman Mübariz İbrahimov, Fərid Hüseynov və Aprel şəhidlərinin fotolarından ibarət tablolar asıblar.
"Dövran Media" xəbər verir ki, belə nümunəvi addım bina sakinləri və binalara nəzarət edən komendantların təşəbbüsü ilə həyata keçirilib.
Binaların girişindən asılan tabloda işğal olunmuş rayonlarımızın adları və işğal illəri də qeyd edilib.
Sakinlər bununla həm də son günlər Milli Qəhrəman Mübariz İbrahimova qarşı çıxmaqla gündəmə gələn bir gəncin uğursuz cəhdinə cavab vermiş olublar.
