Gürcüstan yolu bağlandı: Rusiyadan xəbərdarlıq
02.12.2018
Şimali Osetiyada Hərbi Gürcüstan yolu keçidə müvəqqəti məhdudiyyət qoyulması ucbatından bağlanıb.
"Dövran Media" xəbər verir ki, yolun bağlanması nəticəsində 120 yük maşını yolda qalıb. Yolun bağlanmasına əsas səbəb kimi Gürcüstanda havanın pisləşməsi göstərilib. Rusiya Fövqəladə Hallar Nazirliyi yük maşınlarına səfərlərini müvəqqəti dayandırmaları ilə bağlı xəbərdarlıq edib.
Qeyd edək ki, noyabr ayından Gürcüstanla Rusiyanı birləşdirən hərbi dəhliz yolu əlverişsiz hava şəraiti səbəbindən bağlanmışdı.
