ABŞ: Ukraynalı pilotların F-16 qırıcılarında təlimi sürətlə həll ediləcək
22.07.2023
Birləşmiş Ştatlar F-16 döyüş təyyarələrinin Kiyevə tədarükü prosesi ilə bağlı ukraynalı pilotların təlimi məsələsini mümkün qədər tez həll edəcək.
ABŞ-ın milli təhlükəsizlik üzrə müşaviri Ceyk Sallivan bu barədə "Aspen” Universitetinin Kolorado ştatında davam edən təhlükəsizlik forumunda Ukrayna-Rusiya müharibəsi və xarici siyasətlə bağlı suala cavab verərkən deyib. Onun sözlərinə görə, Ukraynanın F-16 qırıcı təyyarələrindən effektiv istifadə etməsi üçün lazım olan təlimlərin başlaması üzrə çalışmalar davam edir.
Ceyk Sallivan Ukraynalı pilotların hazırlığının nə vaxt başlayacağını deməsə də, bunun aylar deyil, həftələr ərzində həyata keçəcəyini və texniki məsələlərin artıq həll olunduğunu bildirib.
