Bakıda bayram namazı qılınıb - YENİLƏNİB
28.06.2023
Bakıda Qurban bayramı ilə bağlı bayram namazı qılınıb.
"DM" xəbər verir ki, Təzəpir məscidində icra olunan dini ayin Hacı Şamil Rəsulovun imamətliyi ilə keçirilib.
Namazda sakinlər və bir sıra din xadimləri iştirak ediblər.
Xatırladaq ki, bu il Azərbaycanda Qurban bayramı iyunun 28-29-da qeyd olunur.
09:30
Bakıda Qurban bayramı münasibətilə namaz qılınıb.
"DM" xəbər verir ki, Təzəpir məscidində bayram namazı saat 09:13-də qılınıb.
Bu il Azərbaycanda Qurban bayramı iyunun 28-i və 29-u qeyd olunur.
Həmçinin qeyd edək ki, islam dünyasının ən müqəddəs bayramlarından sayılan Qurban bayramı bütün müsəlman ölkələrində təmtəraqla qeyd olunur. Azərbaycan müstəqillik əldə etdikdən sonra Milli Məclisin qəbul etdiyi 1992-ci il 27 oktyabr tarixli "Azərbaycan Respublikasının bayramları haqqında” Qanununa əsasən, Qurban bayramı Azərbaycanda da dövlət səviyyəsində bayram edilir.
Xatırladaq ki, bayram namazı Əjdərbəy məscidində və Göy məsciddə 08:00-də qılınıb.
