Amerika hərbçisi öldürülüb
24.11.2018
Əfqanıstanda amerikalı hərbçi öldürülüb. Bu barədə NATO-nun "Qətiyyətli dəstək” missiyasının saytında yerləşdirilən bəyanatda deyilir.
TASS informasiya agentliyi xəbər verir ki, həlak olan hərbçinin şəxsiyyəti və hadisənin təfərrüatları barədə məlumat verilmir.
Qeyd edək ki, Əfqanıstanda 2015-ci il yanvarın 1-dən NATO-nun "Qətiyyətli dəstək” adlı qeyri-döyüş missiyası başlayıb. Əsasən Əfqanıstanın güc strukturlarının təlimi ilə məşğul olan missiya təhlükəsizliyin təmin olunması üzrə ABŞ, NATO və terror əleyhinə beynəlxalq qüvvələrin komandanlığı altında keçirilən hərbi əməliyyatların yerinə fəaliyyətə başlayıb.
