Paşinyan: “Brüssel görüşünü müsbət qiymətləndirmək olar”
20.05.2023
"Azərbaycanla bir sıra mühüm məsələlərdə razılığa gəlmək mümkün olmasa da, ümumilikdə Brüssel görüşü barədə müsbət fikir bildirmək olar”.
Bunu Ermənistan baş naziri Nikol Paşinyan "Vətəndaş Sazişi” fraksiyasının deputatları və nazirlərlə qapalı iclasda Brüssel görüşünün nəticələrinin müzakirəsi zamanı deyib.
İki saatdan çox davam edən görüşdə Paşinyan Brüssel görüşünün təfərrüatları və yekun nəticələr barədə danışıb.
"Azərbaycanla bir sıra mühüm məsələlərdə razılığa gəlinməsi mümkün olmasa da, ümumilikdə Brüssel görüşünü müsbət qiymətləndirmək olar”, - deyə Paşinyan bildirib.
Qeyd edək ki, mayın 14-də Belçikanın paytaxtı Brüssel şəhərində Avropa İttifaqı Şurasının Prezidenti Şarl Mişelin vasitəçiliyi ilə Azərbaycan Prezidenti İlham Əliyev və Ermənistan baş naziri Nikol Paşinyan arasında görüş keçirilib.
Mənbə: Ermənistan KİV
