Ankarada ümummilli lider Heydər Əliyevin abidəsi ziyarət olunub
10.05.2023
Türkiyənin paytaxtı Ankarada ulu öndər Heydər Əliyevin abidəsi ziyarət olunub.
Bu barədə Azərbaycanın Türkiyədəki səfiri Rəşad Məmmədov özünün "Twitter” hesabında xəbər verib.
"Ümummilli lider Heydər Əliyevin anadan olmasının 100-cü ildönümündə Ankarada "Heydər Əliyev parkı”nda ulu öndərin abidəsini ziyarət etdik, müstəsna şəxsiyyət, böyük dövlət adamı, müasir Azərbaycan dövlətinin qurucusu Heydər Əliyevin xatirəsini hörmət və ehtiramla yad etdik”, - deyə diplomat bildirib.
