Dini konfessiya rəhbərləri Heydər Əliyevin məzarını ziyarət edib
10.05.2023
Azərbaycanda fəaliyyət göstərən dini konfessiyaların rəhbərləri Ümummilli Lideri Heydər Əliyevin 100 illik yubileyi münasibətilə Fəxri Xiyabanı ziyarət ediblər.
Bu barədə Qafqaz Müsəlmanları İdarəsindən bildirilib.
Qeyd olunub ki, dini konfessiya rəhbərləri Ulu Öndərin məzarı önünə gül dəstələri düzüblər, xatirəsini ehtiramla yad edib, ruhuna dualar oxuyub, Uca Allahdan rəhmət diləyiblər.
Görkəmli oftalmoloq alim, akademik Zərifə xanım Əliyevanın xatirəsi də ehtiramla yad edilib, məzarı önünə tər çiçəklər düzülüb.
