Paşinyanla Tonoyan hərbi təlimləri izlədi
16.11.2018
Bu gün Ermənistanın baş nazir əvəzi Nikol Paşinyanla müdafiə naziri əvəzi David Tonoyan Ermənistandakı hərbi hissələrdən birində keçirilən taktiki hücum təlimini izləyiblər.
"Dövran Media" xəbər verir ki, məlumatı Ermənistan Müdafiə Nazirliyinin mətbuat katibi Artsrun Ovanisyan yayıb. Onun sözlərinə görə, təlimdə xüsusilə çətin coğrafi və iqlim şəraitində qoşunların yeni taktika və xüsusi texniki vasitələr tətbiq edərək, yeni yüksəklikləri ələ keçirmək fəaliyyətləri məşq edilib.
