Əfqanıstanda bir neçə saat əzrində iki zəlzələ baş verib
11.04.2023
Əfqanıstanda bir neçə saat ərzində iki zəlzələ baş verib.
Bu barədə Qazaxıstan Respublikası Fövqəladə Hallar Nazirliyinin "SOME” MMC-nin seysmik stansiyalar şəbəkəsi xəbər verib.
Qazaxıstanlı seysmoloqların məlumatına görə, birinci zəlzələ aprelin 11-də Almatı vaxtı ilə saat 09:37-də baş verib. Yeraltı təkanların episentri Almatıdan 840 kilometr cənub-qərbdə, Əfqanıstanda yerləşib. Zəlzələnin maqnitudası 5,4 bal olub.
Daha bir zəlzələ Almatı vaxtı ilə saat 10:52-də baş verib. Episentr Almatıdan 963 kilometr cənub-qərbdə, Əfqanıstanda yerləşib. Bu dəfə yeraltı təkanlar 5,3 bal gücündə olub.
Dağıntılar və zərərçəkənlər barədə məlumat verilməyib.
Mənbə: Tengri News
