“Qarabağ” - “Qalatasaray” oyununu “Haber Global” canlı yayımlayacaq
23.03.2023
"Qarabağ”la Türkiyənin "Qalatasaray” klubu arasında keçiriləcək xeyriyyə oyununu Türkiyənin "Haber Global” televiziya kanalı canlı yayımlayacaq.
"DM”-nın məlumatına görə, futbol azarkeşləri həmin kanal vasitəsilə martın 26-da baş tutacaq qarşılaşmanı izləyə biləcəklər.
Bakı Olimpiya Stadionunda təşkil olunacaq görüş saat 20:00-da start götürəcək.
Qeyd edək ki, "Qarabağ” - "Qalatasaray” matçının bilet satışından əldə ediləcək gəlir Türkiyədə baş vermiş zəlzələdən əziyyət çəkənlərə yardım üçün göndəriləcək.
