Türkiyə MN “Taxıl sazişi”nin uzadılması ilə bağlı bəyanat yayıb
14.03.2023
Martın 13-də BMT-nin koordinasiyası ilə Cenevrədə BMT, Rusiya Federasiyası və Ukrayna nümayəndə heyətləri arasında "Taxıl sazişi”nin uzadılmasına dair görüş baş tutub.
"DM"-nın verdiyi xəbərə görə, bu barədə Türkiyə Milli Müdafiə Nazirliyinin bəyanatında deyilir.
Qeyd olunub ki, Rusiya onun qida məhsulları və gübrələrinin beynəlxalq bazarlara ixracının təmin olunacağı halda sazişin uzadılmasının tərəfdarıdır.
"Tərəflərin təşəbbüsün uzadılması istiqamətində atdıqları addımlar təqdirəlayiqdir. Bununla belə, nazirimiz Prezidentimizin tapşırığına uyğun olaraq, taxıl təşəbbüsünün fəaliyyətinin koordinasiyalı şəkildə və tərəflərin tələblərini nəzərə almaq şərti ilə davam etdirilməsi üçün həmkarları və aidiyyəti orqanlarla danışıqlarını davam etdirir”.
Bundan əlavə, Nazirlik "Taxıl sazişi” çərçivəsində bu günədək Ukraynadan 24 milyon ton taxıl ehtiyacı olan ölkələrə təhlükəsiz şəkildə daşınıb.
