Ədliyyə naziri Ali Məhkəmənin fəaliyyətindən danışıb
15.02.2023
"Azərbaycan Ali Məhkəməsi məhkəmə fəaliyyəti ilə bağlı bütün məsələlərin tənzimlənməsində fəal iştirak edir”.
Bu barədə Azərbaycan Respublikasının ədliyyə naziri, Məhkəmə-Hüquq Şurasının sədri Fikrət Məmmədov "Xalq” qəzetində dərc edilmiş məqaləsində bildirib.
"Belə ki, Ali Məhkəmənin sədri, habelə məhkəmənin iki hakimi Məhkəmə-Hüquq Şurasının, daha iki hakimi isə Hakimlərin Seçki Komitəsinin üzvü olmaqla bu sahədə qərarların qəbulunda birbaşa iştirak edirlər.
Bununla yanaşı, hakimlərin məsuliyyət hissinin artırılmasında Ali Məhkəmə mühüm rola malik olmaqla məhkəmə səhvlərinin profilaktikasında prinsipial və təsirli mövqe göstərir, kobud pozuntulara qarşı intizam icraatını təşviq edir, digər tədbirlər görür”, - nazir qeyd edib.
