Qaziantepdə 76 saat sonra 3 nəfər dağıntılar altından xilas edilib - FOTO/VİDEO
09.02.2023
Türkiyənin Qaziantep şəhərində baş verən zəlzələdən 76 saat sonra 3 nəfər dağıntılar altından xilas edilib.
Episentri Pazarcık və Elbistan rayonları olan və 10 şəhəri təsir altına alan zəlzələlərdən sonra Qaziantepdə binaların dağıntıları altnda axtarış-xilasetmə işləri davam etdirilir.
Mərkəz Batıkent məhəlləsində 14 mərtəbəli binanın dağıntıları altından səslər eşidildikdən sonra bölgədə işlər daha da intensivləşib. Nəticədə uzun müddət sonra hələlik adları məlum olmayan 3 nəfər sağ tapılıb. Dağıntılar altından çıxarılan yaralı ailə alqışlarla qarşılanıb.
Zəlzələdən 76 saat sonra yaralılar ilişib qaldıqları yerdən çıxarılaraq təcili yardım maşınları ilə xəstəxanaya göndəriliblər.
Mənbə: Haber Global
