Düzgün qərarlar vermək üçün intuisiyanıza inanın
28.10.2018
"Mən intuisiyaya inanıram... Bəzi vaxtlar səbəbini bilmədən doğru olduğumu hiss edirəm" - Albert Eynşteyn
Vacib qərarlar verərkən qərarın düzgünlüyü ilə bağlı narahatlıq keçiririk. Psixoloji olaraq, səhv qərarlarda günahı başqalarının üstünə atmağa meylliyik. Lakin, verdiyimiz qərarin nəticəsi müsbət olduğunda, intuisiyamıza inandığımıza görə sevinərik. Bəzilərimiz bunu "ürəyimdən belə gəldi, mən də etdim" deyərik. Stiv Cobs da ürəyinin səsinə qulaq asanlardan biri olub və bu mövzu ilə bağlı bunları deyir:
"Dövran Media" bildirir ki, bir gün həqiqətən öləcəyinizi bilmək, nələrisə itirəcəyiniz fikrindən uzaqlaşmağın ən rahat yoludur. Onsuz da həqiqi mənada nəyəsə sahib deyilsiniz. Yəni, ürəyinizdən keçənin arxasınca getməmək üçün heç bir səbəbiniz yoxdur.
Bəs, hansı məsələlərdə həqiqətən ürəyinizdən keçənin arxasınca getmək və intuisiyamıza inanmağımız lazımdır?
1) Sağlamlığınızla bağlı intuisiyanıza inanın.
Sağlam həyat tərzi hər kəsin əldə etməyə çalışdığı və əslində ən çox çətinlik çəkdiyi məsələlərdən biridir. Özümüzü dəyişdirməyə çalışarıq və qida rejimimizi dəyişdirmək üçün səy göstərərik. Sizin üçün düzgün qidanın seçilməsi zamanı intuisiyanıza inanmağınız çox vaxtı doğru nəticələr verər.
2) Təhlükə anında intuisiyanıza inanın.
Heyvani intuisiyalarımız vaxt keçdikcə zəifləyib dəyişsə də, çətin vəziyyətlərdə "təhlükə" intuisiyamız bizi yanıltmayacaqdır. Düzgün bildiyiniz məsələlər qarşısında intuisiyanız sizləri yönəldirsə, həmin hissə inanın.
3) Potensialınızı ortaya çıxartmaq üçün intuisiyanıza inanın.
"İnsan sahib olduqlarının cəmindən ibarət deyil, hələ ortaya çıxarda bilmədiklərinin cəmindən ibarətdir" - Jean Paul Sartre
Qabağa getmək üçün və uğur əldə etmək üçün planlar hazırlayarıq. Bu planları reallaşdırarkən qarşılaşılan əngəlləri qəti addımlarla aşmaq lazımdır. Belə bir anda, yəni, çətin bir vəziyyətdə, potensialınızı ortaya çıxartmaq üçün intuisiyanıza inanın. Özünüz təəccüblənəcəksiniz.
4) Yeni şeylər kəşf etmək üçün intuisiyanıza inanın.
Həyatımızı müəyyən bir nizam içərisində yaşamaq istəsək də, bəzən yeni şeyləri sınamaq həyatı yaşamağın nə demək olduğunu xatırladar. Bəzən də fərdi inkişafımız üçün sınama-səhv (trial-error) üsulundan istifadə edərik. Bunları reallaşdırarkən əslində çox vaxtı fərqində olmadan intuisiyamıza inanarıq. İntuisiyalarınıza inanmağa davam edin.
5) Sevgi üçün intuisiyanıza inanın.
İlk görüşdə beynimizdə formalaşan düşüncə ilə intuisiyanı bir-birinə qarışdırmamaq lazımdır. Bunların biri önyarğı, digəri isə, intuisiyadır. Çox vaxtı aradakı incə cizgini görmürük. Bir insana baxdığınızda onu xarici görünüşü ilə deyil, danışdıqdan ya da hərəkətlərini müşahidə etdikdən sonra dəyərləndirin. Beləliklə, intuisiyanıza qulaq asmış olarsınız.
