Bu şirkət Rusiya ilə əlaqələri kəsib
03.01.2023
Rusiyanın Ukraynaya müharibəsi və Kremlə qarşı tətbiq olunan sanksiyalar fonunda Fransanın GTT (Gaztransport & Technigaz) mühəndislik şirkəti Rusiyada işlərini dayandırdığını elan edib.
"DM" xəbər verir ki, bu barədə şirkətin saytında məlumat yayılıb.
"Rusiyanın "Zvezda” şirkəti ilə 15 buzqıran qaz daşıyıcısının tikintisinə dair müqavilə çərçivəsində əməkdaşlığa da son qoyulub. Qərar AB-nin səkkizinci və doqquzuncu sanksiyalar paketində nəzərdə tutulan məhdudiyyətlərə görə qəbul edilib. 2023-cü il yanvarın 8-dən etibarən "Zvezda" ilə müqavilə dayandırılacaq", - məlumatda deyilib.
