Boccia idman növü üzrə Paralimpiya millimizin üzvü İtaliyada qızıl medal qazanıb
25.10.2018
Boccia idman növü üzrə Paralimpiya millimizin üzvü İtaliyada keçirilən açıq regional turnirin qalibi olub.
"Dövran Media" AzərTac-a istinadən xəbər verir ki, idmançımız Bəhruz Mirzəyev BC4 kateqoriyasında yarımfinalda sloveniyalı rəqibinə 4:3 hesabı ilə qalib gələrək finala vəsiqə qazanıb. Həlledici görüşdə idmançımız Ukrayna təmsilçisinə 4:1 hesabı ilə qalib gələrək turnirin qızıl medalını qazanıb.
Qeyd edək ki, bu, boccia idman növü üzrə Paralimpiya milli komandamızın beynəlxalq yarışda qazandığı ilk medaldır.
