Şəhid qardaşı faciəvi şəkildə ölüb
16.12.2022
Şəhid qardaşı avtomobil qəzasının qurbanı olub.
"DM" Modern.az-a istinadən xəbər verir ki, hadisə Tovuz rayonu ərazisində yerləşən mal-qara bazarında baş verib.
Məlumata görə, rayon sakini Asim Hacımahmudovun idarə etdiyi "Volqa” markalı avtomobil sərt enişli torpaq yolda sürüşərək sürətlə bazara daxil olub. Həmin vaxt bazarda olan 5 nəfəri maşın vurub. Onlardan biri Hümmət Ülfət oğlu Əliyev aldığı xəsarətlərdən hadisə yerində dünyasını dəyişib.
Qeyd edək ki, qəzada həlak olan 2001-ci il təvəllüdlü Hümmət Əliyev Vətən müharibəsi şəhidi Əmrah Əliyevin qardaşıdır.
Hazırda faktla bağlı araşdırma aparılır.
