Hindistanla Çin orduları arasında toqquşma olub
13.12.2022
"Hindistan Çin qoşunlarının ölkəyə müdaxiləsinin qarşısını alıb”.
Bu açıqlama ilə Hindistanın müdafiə naziri Racnat Sinqh çıxış edib.
"Çin və Hindistan qoşunları arasında əlbəyaxa döyüşlər olub. Hindistan ordusu Çin qoşunlarının ərazimizə daxil olmasının qarşısını alıb”, - deyə Racnat Sinqh bildirib.
Qeyd edək ki, dekabrın 9-da Hindistanın bəzi mətbu orqanları Hindistanla Çin orduları arasında toqquşmaların olduğuna dair məlumat yaymışdı. Lakin o zaman məlumat rəsmi mənbələr tərəfindən təsdiqlənməmişdi.
Mənbə: Reuters
