Kanadada silsilə zəlzələlər baş verib
22.10.2018
Oktyabrın 22-də yerli vaxtla saat 5:39-da Kanadanın qərb sahillərində 6,6 bal gücündə zəlzələ baş verib.
Yeraltı təkanların episentri Kanadanın Britaniya Kolumbiyası vilayətinin Vankuver adasının qərb sahilində yerləşən Tofino rayonundan 260,4 kilometr şərqdə, həmçinin Kempbell-River şəhərindən 317,5 kilometr şimal-şərqdə qeydə alınıb. Zəlzələnin ocağı yer səthindən 11 kilometr dərinlikdə yerləşib.
Sonradan 6,8 və 6,5 bal gücündə daha iki zəlzələ baş verib. Hələlik mümkün dağıntılar, həlak olan və yaralananlar barədə operativ məlumat yoxdur.
