Kəmaləddin Heydərov Türkiyənin daxili işlər nazirinə başsağlığı verib
.jpg)
14.11.2022
Azərbaycan Respublikasının fövqəladə hallar naziri, general-polkovnik Kəmaləddin Heydərov Türkiyənin İstanbul şəhərində törədilmiş partlayışla əlaqədar qardaş ölkənin daxili işlər naziri Süleyman Soyluya başsağlığı məktubu göndərib.
Bu barədə FHN məlumat yayıb.
Xəbərə görə, nazir partlayış nəticəsində insanların həlak olması və xəsarət alması ilə əlaqədar başsağlığını çatdırıb, yaralananların tezliklə sağalmasını arzuladığını bildirib.
Qeyd edək ki, hadisə nəticəsində 6 nəfər həlak olub, 81 nəfər yaralanıb.
