Qasırğanın qurbanları 29 nəfərə çatıb
17.10.2018
ABŞ-da "Maykl” qasırğası qurbanlarının sayı 29 nəfərə çatıb. Bu barədə "Reuters” agentliyi məlumat yayıb.
TASS informasiya agentliyi xəbər verir ki, Florida ştatında 20, Virciniyada 5, Şimali Karolinada 3, Corciyada 1 nəfər həlak olub. Habelə dağıntılar arasında qalanların axtarışı davam etdirilir. Onların sayının 1000 nəfərdən çox olduğu bildirilir. Hökumət orqanları onların öldüyünü güman edir və qurbanların sayının artacağı proqnozunu verir.
"Maykl” qasırğası ABŞ-ın cənub sahillərinə çərşənbə günü çatıb. Həmin vaxt qasırğanın gücü Saffir-Simpson şkalası üzrə dördüncü kateqoriyada qiymətləndirilib. Lakin sonra qasırğa zəifləməyə başlayıb. "Maykl” güclü külək və leysanlar gətirib ki, bu da ölkənin cənub-şərqində daşqın və dağıntılara səbəb olub.
