Rusiya ordusu təlim zamanı nüvə zərbələri endirməyi məşq edib
26.10.2022
Rusiya strateji nüvə qüvvələrinin təlimi zamanı rəqibin nüvə zərbəsinə cavab olaraq genişmiqyaslı nüvə zərbələri endirməyi məşq edib.
"DM" TASS-a istinadən xəbər verir ki, bu barədə Rusiya müdafiə naziri Sergey Şoyqu deyib.
"Cənab Ali Baş Komandan, sizin rəhbərliyiniz altında Rusiya Silahlı Qüvvələrinin hazırlıq planı çərçivəsində rəqibin nüvə zərbələrinə cavab olaraq strateji nüvə qüvvələrimizlə genişmiqyaslı nüvə zərbələrinin endirilməsi tapşırığı məşq edilir”, - o Prezident Vladimir Putinə məruzəsində qeyd edib.
