Kurginyan: Rusiyanın bu raketi nüvədən güclüdür
24.10.2022
Dünyanın, insanlığın bugünkü əsas düşməni Qərbin siyasətidir. Onlar ümumiyyətlə Yer kürəsində həyatı riskə atıblar.
"DM" xəbər verir ki, bunu "Rossiya 1” kanalında yayımlanan "Vladimir Solovyovla axşam” verilişinin efirində "Zamanın məğzi” hərəkatının lideri, erməni əsilli rus politoloq Sergey Kurginyan deyib.
"Hazırda Qərbin əsas niyyəti Rusiyanı nüvə müharibəsinə sövq etməkdir. Bunun üçün onlar hər yola əl atırlar. Sadəcə Qərb bəzi şeyləri bilmir və ya bilməzdən gəlir... Rusiya silahlı qüvvələrinin arsenalında olan elə raketlər var ki, onları güçü nüvə silahından belə çoxdur. Moskva bu raketlərdən istifadə etsə, Ukraynada daş-daş üstündə qalmaz. Qərar qəbul edən nöqtələr isə kül olar. Bunkerlərin içində olanlar da yox olar... Söhbət qitələrarası ballistik raketlərə quraşdırılmış konvensional başlıqlardan gedir”, - deyə o qeyd edib.
