Rusiyada iş adamı Vahid Ələkbərov məhkəməyə verilib
11.10.2022
Moskva meriyası "Lukoyl” şirkətinin keçmiş prezidenti, Azərbaycan əsilli iş adamı, milyarder Vahid Ələkbərovu məhkəməyə verib.
"DM" xəbər verir ki, buna səbəb iş adamının paytaxtın mərkəzində yerləşən evinin damını genişləndirməsi olub.
Rusiyanın ən zənginləri arasında beşinci yerdə qərarlaşan Vahid Ələkbərov Moskvanın mərkəzində yerləşən çoxmərtəbəli binanın damında tikinti layihəsinə başlayıb.
Moskva Şəhər Əmlakı Departamenti hesab edir ki, binanın damında aparılan tikinti piyadalar üçün təhlükə yarada bilər, ona görə də məhkəmədə tikintinin dayandırılması ilə bağlı iddia qaldırılıb.
