Azərbaycanın Belçikadakı səfiri erməni radikalların mümkün hücumu ilə bağlı xəbərdarlıq edib
21.09.2022
Azərbaycanın Belçika Krallığındakı səfiri, Aİ-dəki Nümayəndəliyin rəhbəri Vaqif Sadıqov erməni radikalların mümkün təxribatı ilə bağlı xəbərdarlıq edib.
"DM" xəbər verir ki, o, bu barədə "Twitter”də bildirib.
"Avropanın ürəyində diplomatik missiyaya qarşı ermənilərin daha bir hücumuna qarşı səsinizi qaldırın!”, - səfir qeyd edib.
Diplomat vurğulayıb ki, bu gün Brüsseldə erməni diasporunun radikalları Avropa Parlamentinin qarşısında mitinqdən sonra Azərbaycan səfirliyinə hücum etməyə hazırlaşırlar.
Qeyd edək ki, ermənilərin bu gün Avropa İttifaqının əsas təsisatlarının yerləşdiyi Şuman meydanında etiraz aksiyası nəzərdə tutulub.
