AB-dən atəşkəslə bağlı açıqlama
15.09.2022
Avropa Birliyi (AB) Ermənistan və Azərbaycan arasında dünən saat 20:00-da qüvvəyə minmiş atəşkəs haqqında razılaşmanı alqışlayır.
"DM" xəbər verir ki, bunu AB-nin Xarici siyasət və Təhlükəsizlik məsələləri üzrə ali nümayəndəsi Jozep Borrellin mətbuat katibi Peter Stano deyib.
"Atəşkəs rejiminə indiyə qədər riayət edildiyini bildirən yerli xəbərlər bizi ruhlandırır”, - o vurğulayıb.
P.Stano həmçinin əlavə edib ki, AB tərəfləri hərbçilərin meyitlərinin təhvil verilməsi kimi humanitar addımları koordinasiya etməyə çağırır.
