Bakı metrosunda qatarda nasazlıq yarandı, intervalda gecikmə oldu
05.10.2018
Bakı metrosunda qatarda problem yaranıb.
Bakı Metropoliteni Qapalı Səhmdar Cəmiyyətinin mətbuat xidmətinin rəhbəri Bəxtiyar Məmmədov Trend-ə bildirib ki, metronun "Qara Qarayev" stansiyasında qatarların birində nasazlıq yaranıb:
"7-8 dəqiqə ərzində maşinist vəziyyətdən çıxa bilib. Sərnişinlər stansiyada düşürülüb və qatar depoya göndərilib. Qatarların intervalında əlavə 7-8 dəqiqə gecikmə yaransa da, hazırda interval bərpa olunub. Qatarların hərəkətində problem yoxdur".
