Ilin ən yaxşı təhsil müəssisəsi - Bakı Ali Neft Məktəbi
04.10.2018
AzEdu.az təhsil portalı ölkəmizdə ən yaxşı ali təhsil müəssisələrini tanımaq üçün sorğu keçirib.
Sorğuda 15 universitet iştirak edib. "Azərbaycanda ən yaxşı təhsil verən universitet hansıdır?” sorğusunda Bakı Ali Neft Məktəbi (BANM) top beşlikdə yer tutaraq "İlin ən yaxşı təhsil müəssisəsi” seçilib.
AzEdu.az təhsil portalının baş direktoru Elşad Eyvazlı "İlin ən yaxşı təhsil müəssisəsi” adlı təltifnaməni BANM-də rektor Elmar Qasımova təqdim edib. E.Qasımov sorğuda ilk beşlikdə yer almalarının sevindirici hal olduğunu vurğulayaraq, portal kollektivi və təşkilatçılara öz təşəkkürünü bildirib.
Ali məktəblə Azərbaycanın ən nüfuzlu təhsil portalının əməkdaşlığının daha da genişləndirilməsi nəzərdə tutulub.
