Çin səfiri Britaniya Xarici İşlər Nazirliyinə çağırılıb
10.08.2022
Çinin Böyük Britaniyadakı səfiri Çjen Szequan Britaniya Xarici İşlər Nazirliyinə çağırılıb. Buna səbəb Pekinin Tayvanla bağlı son davranışları və açıqlamaları olub.
"Mən rəsmi nümayəndələrə Çin səfirini çağırmağı tapşırmışam. O, ölkəsinin hərəkətləri ilə bağlı izahat verməlidir. Biz son aylarda Pekin tərəfindən aqressiv davranışların və danışıqların getdikcə artdığını görürük. Bu da regionda sülhü və sabitliyi təhdid edir. Böyük Britaniya Çini bütün fikir ayrılıqlarını sülh yolu ilə həll etməyə çağırır”, - deyə Britaniya Xarici İşlər Nazirliyinin rəhbəri Liz Trass verdiyi bəyanatda qeyd edib.
Mənbə: TASS
