Rusiya MN: Ukraynada 4 HIMARS raket sistemi məhv edilib
22.07.2022
Rusiya qüvvələri iyulun 5-dən 20-dək Ukraynada ABŞ-ın tədarük etdiyi 4 HIMARS raket sistemini məhv edib.
"DM"-nın "Reuters"ə istinadən xəbərinə görə, bu barədə Rusiya Müdafiə Nazirliyinin (MN) məlumatında bildirilib.
"ABŞ istehsalı (HIMARS) yaylım atəş sistemi üçün 4 raket daşıyıcı və bir yükləyici texnika məhv edilib”, - Rusiya MN-in gündəlik brifinqində bildirilib.
Qeyd edək ki, ötən gün ABŞ Müdafiə Nazirliyi Ukraynaya 4 əlavə HIMARS sisteminin göndəriləcəyini bəyan edib. Müdafiə naziri Lloyd Ostin Ukraynaya göndəriləcək yeni sistemlərin növbəti yardım paketinə daxil ediləcəyini açıqlayıb.
