İrakli Qaribaşvili Türkmənistan Prezidenti ilə görüşüb
20.07.2022
Gürcüstan Baş naziri İrakli Qaribaşvili Türkmənistan Prezidenti Sərdar Berdiməhəmmədovla görüşüb.
"DM" xəbər verir ki, bu barədə Gürcüstan Baş naziri "Twitter"də bildirib.
Türkmənistan Prezidenti ilə səmərəli danışıqların keçirildiyini bildirən Gürcüstan hökumət başçısı görüşdə ticari-iqtisadi əlaqələrin dərinləşdirilməsi üçün yeni imkanların müzakirə olunduğunu qeyd edib.
"Qarşılıqlı faydalı məqsədlərə nail olmaq, Gürcüstanın strateji coğrafi mövqeyinin potensialını araşdırmaq üçün layihələri dəstəkləmək gündəmimizdə prioritet idi", - Qaribaşvili bildirib.
