Azərbaycanda meymunçiçəyi ilə bağlı testlərdən istifadə olunub
18.07.2022
Bu gün üçün meymunçiçəyi ilə bağlı ölkədə yoluxma faktı qeydə alınmayıb.
Səhiyyə Nazirliyindən verilən xəbərə görə, epidemioloji vəziyyət diqqətlə izlənilir.
Bildirilib ki, şübhəli hallar qeyd edildikdə PZR üsulu ilə laborator diaqnostika üçün bütün imkanlar mövcuddur:
"Testlərdən istifadəyə gəldikdə bu günə qədər iki testdən istifadə edilib. Müraciət edənlərdən test nümunələri götürülərək Xüsusi Təhlükəli İnfeksiyalara Nəzarət Mərkəzinə göndərilib. Hər iki şəxsin test nəticəsi neqativdir”.
