Bakı Yay Enerji Məktəbinin açılışı olub
18.07.2022
ADA Universitetində 16-cı Bakı Yay Enerji Məktəbinin ("Baku Energy School”) açılışı olub.
DM” xəbər verir ki, tədbir İnkişaf və Diplomatiya İnstitutunun (IDD), Dövlət Neft Şirkətinin (SOCAR), "bp Azerbaijan”, "Kolin” , "Мasdar” və "TotalEnergies” şirkətlərinin birgə təşkilatçılığı ilə keçirilir.
Açılış mərasimində ADA Universitetinin rektoru, səfir Hafiz Paşayev, İnkişaf və Diplomatiya İnstitutunun direktoru, ADA Universitetinin prorektoru Fariz İsmayılzadə, IDD-nin direktor müavini Aygün Hacıyeva, bp-nin Xəzər bölgəsində Xarici əlaqələr və kommunikasiya üzrə vitse-prezidenti Bəxtiyar Aslanbəyli çıxış ediblər.
H.Paşayev Bakı Yay Enerji Məktəbinin 2007-ci ildən etibarən hər il keçirildiyini xatırladıb. O, builki yay məktəbi çərçivəsində əsas diqqətin bərpa olunan enerji mənbələrinə yönəldiləcəyini bildirib.
"Bu, tədbir xarici iştirakçıların Azərbaycanın enerji siyasəti barədə daha çox məlumat əldə etməsi üçün gözəl imkandır”, - H.Paşayev vurğulayıb.
Xatırladaq ki, tədbirdə 12 ölkədən 42 nəfər iştirak edir.
